మీ వెబ్ సైట్ భాష, చదువరుల భాష వేరైనప్పుడు ఆటోమాటిక్ గా మన వెబ్సైటు లో ఉన్నదంతా చదివేవారి భాషలోకి తర్జుమా అయిపోతే భలేవుంటుంది కదూ. ఇప్పుడు వెబ్సైటు డెవలపర్ లకి ఈ అవకాశం కల్పిస్తూ గూగుల్ బ్లాగ్ లో వార్త ప్రచురించారు. అదెలా వాడుకోవాలో చూద్దాం.
ప్రస్తుతానికి ఈ సదుపాయం తెలుగుకి లేకపోయినా, భవిష్యత్తులో తప్పకుండ ప్రవేశపెడతారు. ఇప్పటికే దాదాపు 50 భాషల్లోకి ఈ అనువాద ఉపకరణం తర్జుమా చేస్తుంది. ఇదెలా పనిచేస్తుందో చూద్దాం.
ఇక్కడ చెప్పినట్టు, మన విహరినికి ఒక భాష సెట్ చేసి ఉంటుంది. మామూలుగా మనం ఏమీ చేయకపోతే అది ఇంగ్లీష్ అని ఉంటుంది. కానీ మనకు బాగా అర్థమయ్యే ఇష్టం వచ్చిన భాషను సెట్ చేస్కోవచ్చు. కాసేపు ఆ గూగుల్ ఉపకరణం తెలుగుకి కూడా పనిచేస్తుందని అనుకుందాం, మీ విహరిణిని తెలుగు భాష కి సెట్ చేశారని అనుకుందాం, ఇప్పుడు మీరు ఈ ఉపకరణం వాడుతున్న ఒక సైట్ కి వెళితే, ఒకవేళ ఆ సైట్ ఇంగ్లీష్ లో ఉందనుకుందాం. కానీ, మీ భాష తెలుగు కాబట్టి, ఒక ప్రాంప్ట్ వస్తుంది, ఈ వెబ్సైటు లో ఉన్న డేటాని మీ భాషలో చూపించాలా అని అడుగుతుంది. మీరు సరేనంటే మొత్తం మీ భాషలోనే చూపిస్తుంది. ఒకవేళ ఆ వెబ్సైటు డేటా కి వాడిన భాష, మీ భాష ఒకటే ఐతే ఆ ప్రాంప్ట్ రాదు.
ఇక మన వెబ్సైటు ని ఆ సౌలభ్యం ఉండేలా తీర్చిదిద్దుకోవడం ఎలా అంటే, చాలా తేలిక పనే. ఇక్కడకు వెళ్లి, మనకు కావాల్సిన సెట్టింగులు పెట్టేస్కుని, ఆ వచ్చిన కోడ్ ని మన వెబ్సైట్ లో పెట్టేస్కుంటే సరి! ఉదాహరణకి మీరు వర్డుప్రెస్సు లేదా ద్రుపాల్ తో మీ సైట్ నిర్వహిస్తున్నట్టైతే, అన్నిటికి కామన్ గా ఉండే ఏ header ఫైల్ లోనో ఆ కోడ్ ని పెట్టేస్కోవచ్చు.
ఆ వచ్చే అనువాదం మనుషులు చేసినంత బాగోక పోయిన అర్థం కాని భాషలో ఉన్న సైట్ ని చూడటానికి చాలా బాగా ఉపయోగపడుతుంది.
ప్రవీణ్, హిందీ అస్సలు రాకపోతే, ఈ గూగుల్ అనువాదం కేవలం కొంతలో కొంత అర్థం చేస్కోవడానికి పనికొస్తుందే గాని, ప్రస్తుత ఖచ్చితత్వంతో(accuracy) సంపూర్ణ అనువాద ప్రక్రియగా మాత్రం పరిగణించలేం.
వ్యాఖ్యలు
గూగుల్ నా హిందీ వెబ్ సైట్
గూగుల్ నా హిందీ వెబ్ సైట్ http://linux-sikshan.pkmct.net ని సరిగా అనువాదం చెయ్యలేకపోయింది
ప్రవీణ్, హిందీ అస్సలు
ప్రవీణ్, హిందీ అస్సలు రాకపోతే, ఈ గూగుల్ అనువాదం కేవలం కొంతలో కొంత అర్థం చేస్కోవడానికి పనికొస్తుందే గాని, ప్రస్తుత ఖచ్చితత్వంతో(accuracy) సంపూర్ణ అనువాద ప్రక్రియగా మాత్రం పరిగణించలేం.
గొపాల్ గారు మంచి అర్టికల్ను
గొపాల్ గారు మంచి అర్టికల్ను అందించారు, ధన్యవాధములు పోస్టు తెది MM/DD/YYYY పార్మాట్లొ చూపిస్తుంది. వీలైతె DD/MM/YYYY కి సవరించగలరు.
సంతోషం శ్రీనివాస్ గారూ, తేదీ
సంతోషం శ్రీనివాస్ గారూ, తేదీ ఫార్మాట్ కూడా మార్చాను :)
కొత్త వ్యాఖ్య వ్రాయి