డిజిటల్ లైబ్రరీ అఫ్ ఇండియా నుండి పుస్తకాలు దింపుకోవడం (పాత వర్షన్‌)

ఆ మధ్య ఎప్పుడో సౌమ్య గారు సాహిత్యం గుంపులో అడివి బాపిరాజు గారి రచనలు కావాలని అడగటం, దానికి షణ్ముఖన్ గారు బదులుగా ఒక టూల్ వాడి డి ఎల్ ఐ నుండి పుస్తకాలు దించుకోవచ్చు అని చెప్పడం చూశాను. అప్పట్లో అవసరం పడక, ఆ టూల్  వైపు చూడలేదు, కానీ ఈ మధ్య కర్ణాటిక సంగీతం మీద పుస్తకాలు కావాల్సి వస్తే, ఒకసారి ఆ టూల్ వాడదాం అని డౌన్లోడ్ చేసాను. ఎందు చేతనో పని చేయలేదు. ఇక తప్పక నేనే ఒక చిన్న పైతాన్ స్క్రిప్ట్ రాస్కున్నాను. ఆ స్క్రిప్ట్ ఏం చేస్తుందంటే,

ప్రస్తుతానికి ఇది లినక్సు కి ఉద్దేశించి రాసాను. కానీ చాలా కొద్ది పాటి మార్పులతో, విండోస్ లో కూడా పని చేస్తుంది. అదెలాగో ఇంకో టపాలో రాస్తాను. లినక్సు వారు ఈ క్రింది చెప్పిన పద్దతితో ఈ స్క్రిప్ట్ ని వాడుకోవచ్చు.

• ముందు టెర్మినల్ లో ఈ కమాండ్ రన్ చేయండి. (ఇది ఒక్క సారి చేస్తే చాలు, ఈ స్క్రిప్ట్ రన్‌ చేసిన ప్రతిసారి అవసరం లేదు)

sudo apt-get install libtiff-tools

• ఈ మూడు ఫైల్స్, డౌన్లోడ్ చేస్కోండి -
  download.py, bind.sh, urls.txt (డౌన్‌లోడ్ అయిన ఫైళ్ళ పేర్లు ఇక్కడ ఇచ్చినట్టు ఉండేట్టు చూసుకోండి)
• ఆ మూడు ఫైల్స్ ని ఒకే ఫోల్డర్ లో పెట్టండి. ఉదాహరణకి, ~/Desktop/DLI/ లో పెట్టారు అనుకుందాం.
• ఇప్పుడు మీకు కావాల్సిన పుస్తకం ఇక్కడ వెతకండి. ఈ వెదకడం మీద, సౌమ్య కొన్ని టిప్స్  తన బ్లాగ్ లో రాశారు, చూస్తే కొన్ని ఇబ్బందులు తప్పించుకోవచ్చు. ఉదాహరణకి, నాకు రాగాల మీద ఒక పుస్తకం కావాలి. ఆ సైట్ కి వెళ్లి, raga అని ఇచ్చాను. వచ్చిన ఫలితాల్లో నాకు ఈ పుస్తకం కావాలి అనిపించింది.
• ఇప్పుడు మీకు కావాల్సిన పుస్తకం కనబడగానే, దాని మీద క్లిక్ చేయండి. అప్పుడు క్రింద చూపినట్టు ఒక పేజి వస్తుంది.

• అందులో, Book Reader 1 పక్కన ఉన్న "Click Here" ని క్లిక్ చేసి, ఆ URL ని కాపీ చేసి ఇందాక డౌన్లోడ్ చేసిన urls.txt లో అతికించండి. ఒక్కో లైన్ లో ఒక్క URL మాత్రమే ఉండాలి సుమా!
• అలా మీకు ఎన్ని పుస్తకాలు కావలిస్తే అన్ని వెతికి, ఈ పైన చెప్పిన విధంగా urls.txt లో వాటి తాలూకా URL ని అతికించండి. urls.txt ని సేవ్ చేయండి.
• ఇప్పుడు టెర్మినల్ లో ~/Desktop/DLI కి (లేదా మీరు ఏ ఫోల్డర్ లో ఆ మూడు ఫైల్స్ పెడితే ఆ ఫోల్డర్ కి) వెళ్ళండి. అక్కడ క్రింది కమాండ్ రన్ చెయ్యండి

python download.py urls.txt

• అంతా డౌన్లోడ్ అయ్యాక, క్రింది కమాండ్ రన్ చెయ్యండి

bash bind.sh

• ఇప్పుడు ఆ ఫోల్డర్ లో Final Book.pdf అనే ఫైల్ ఉంటుంది, అదే మీ పుస్తకం! దానికి సరైన పేరు ఇచ్చుకోండి.